《酒鬼知識》

威士忌世界大戰 - 首部曲 ⚔️「OB 大戰 IB 」⚔️ OB = 原酒廠裝瓶 (Official Bottling) 圖片中左邊👈🏿大家較為常見到既牌子 「佢地係酒廠，會自己蒸釀威士忌」 ⚠️特點⚠️ 風味同質素比較穩定及不會太大改變 IB = 獨立裝瓶廠(Independent Bottler) 圖中右邊👉🏿果幾間比較少見既牌子 「佢地無廠，唔會自己蒸釀威士忌」 而係收購唔同酒廠既原桶威士忌💰 再重新設計包裝入樽再發售 ⚠️特點⚠️ 靚（因為枝枝都可以唔同設計） 風味同質素變幻莫測🤷🏽‍♂️估佢唔到好唔好

「Santa Helena」 👨🏽‍🦱一個關於父親和女兒既故事👧🏻 話說20世紀初喺智利🇨🇱有位釀酒師爸爸身患重病 佢個女「Helena」見到爸爸心愛既莊園慢慢荒廢... 下定決心照顧爸爸之餘 再幫爸爸打理莊園內每一棵葡萄樹 令到莊園重搭昔日既魅力... 當然呢位女兒既努力無白費到啦！ 爸爸好返之後好感動😭 就將佢地既葡萄酒命名為～《Santa Helena》

「酒の呼吸」-❄️冰魂雪魄❄️ 唔講你唔知！ 每一種酒都有唔同凝固點🧊 就視乎佢既酒精含量 而酒精含量越高，越難結成冰 如果你想將枝威士忌擺落冰箱雪成冰 🥃你會發現點都唔會結冰.. 以一枝40度酒精含量既威士忌為例.. 你要搵個起碼零下27℃既雪櫃 先雪到佢變成冰☃️

高山低谷 - 信州蒸餾所」 <本坊酒造>將呢一間威士忌蒸餾所建於駒嶽山🌁 成為日本最高海拔798米既MARS信州蒸餾所.... 🗻🗻🗻🗻🗻🗻🗻🗻🗻🗻🗻🗻🗻🗻🗻 佢唔係得個《高》字咁簡單... 佢既地理位置正正可以使用阿爾卑斯山🏔️ 經過花崗岩質土壤過濾左既雪水💦... 水源會反映威士忌既口感 😈酒鬼親肝試過呢家蒸餾所眾多款威士忌... 由岩井->越百->駒ケ岳->甚至原酒都飲過曬 的而且確佢既口感真係比較順滑同容易入口... 比起其他日本炒價威士忌👀 佢個性價比係非常之高 !👍🏽

「飲Prosecco 你要知❗️」 大家平時揀酒 想飲啲唔甜既時候可能會揀標榜Dry既酒 但係Prosecco(意大利🇮🇹氣酒)就與別不同 佢分Dry > Extra Dry > Brut 顧名思義Dry 喺Prosecco之中係醉甜 「Brut」先係唔甜(12g 殘糖以下） 所以大家揀酒時擘大眼😳揀清楚喇

葡提老祖之「單·寧」係乜🤷🏽‍♂️-TANNINS 紅白酒成日聽人講飲到單寧味？ 咁究竟係啲咩味黎？ 「飲落口乾乾澀澀，苦苦甘甘既味道」 《就好似食緊提子皮同核既感覺🍇》 而且多數紅酒🍷都會比較多呢種味 因為紅酒會用提子核•皮•梗壓渣浸泡發酵 而白酒就多數去皮去梗用果肉釀制 但係釀制時如果個木桶有單寧味 白酒都有可能有呢種味道🥂

「酒桶～我要进来了」 威士忌🥃點解會有顏色？ 本身威士忌係一種透明既蒸餾酒⚗️ 以前既人類因為方便大量運送用木桶裝酒 後來發現用唔同既桶會令威士忌既香味 變得更加豐富😲😲😲😲 而且顏色亦會隨住時間，木桶木材🌲 變得越黎越深色，由淺金到深褐色都有！ 🟡🟠🟤

「飲🍾香檳，🥂氣泡酒會容易上腦？」 「有無發現最近睇所有野好似越黎越慢」？ 你唔係越黎越快，你可能係越黎越醉🤩 有英國乜乜乜大學專家研究過 簡單啲講因為有氣泡關係會加速酒精進入血液 有氣泡既酒會吸收多1.5倍左右 睇既野會慢左3倍左右🥱 所以你如果想求醉，不妨加多杯威士忌🥃 包你睇野慢過「藤原托海」 🚳⚠️但係飲左酒就唔好揸車上陽明山喇！⚠️🚳 呀～唔係，秋明山先岩，sor9ry