《酒鬼知識》

呢個世界喺天寒地冬既時候... 好殘忍咁逼使眾人去熄爐..沖凍水涼... 唔怕凍既酒鬼都熄左爐喇.... 而且仲搬埋啲野去「我同你」既新世界 繼續將好酒帶比大家 喺新世界只要search 「Drunkard」就會搵到我

「軟好定硬好？」🚰 威士忌🥃除左木桶，氣候，時間 會影響佢地味道之外...🌊 「水」亦都影響到佢既口感同味道 水·有軟硬之分🧽🗿 簡單而言 軟水偏甘甜，硬水偏苦澀 軟水含礦物質，雜質比較少 你都可以話佢係比較乾淨啲 而硬水礦物質同鈣等等物質較多 味道都會比較重小小 威士忌之中大部份都會選擇軟水💪🏾 而當中都有小部份酒廠會揀硬水🦾 例如Highland park,Glenmorangie 比較鐘意揀硬水，因為硬水令到酒體 更多層次同複雜... 總言： 軟水會令到酒體更加香醇， 酒體飲落會比較輕盈🕊 硬水就會令到酒體更加複雜， 層次上都比較多🐅

「威士忌金莎」🍫🥃 🎇新年年年都收到一大堆金莎🎆 食極都食唔曬..擺到過曬期都未開盒.. 最近酒鬼試左威士忌配金莎 首先需要有以下條件既威士忌 1⃣- 45% ALC 以下酒精濃度❌ 因為太強烈會喧賓奪主 2⃣- 唔可以係泥媒味威士忌❌ 因為都係會喧賓奪主 3⃣- 首選雪莉桶⭕次選波本桶⭕ 因為雪莉桶果香,黑朱古力既風味會令到成個效果🍫🌰🍯 💯LEVEL UP 相輔相乘 ！🍩🍪🍫 而波本桶本身帶有雲呢拿香都會幾襯 食用方法 : 👄先將一細淡威士忌游走整個口腔 然後再慢慢吞落去 💋再溫柔地咬開金莎個上蓋 🥄再落一茶匙Whisky入金莎內膽精華 🐋最後一啖鯨吞剩餘既金莎... 🥃飲多一啖威士忌就完結.....

「雪莉桶其實係乜東東黎？」 而雪莉桶又點解禁受歡迎呢？🧐 威士忌入桶陳年係一個好關鍵既步驟... 陳年響雪莉桶後會有迷人既琥珀色🥃 味道會帶有焦糖，果仁，榛子🌰同黑朱古力🍫既口感，非常迷人令人沉醉！🤤🤤 如果係推薦比女仕飲威士忌👠 雪莉桶威士忌肯定係首選。 但因為雪莉桶近年供不應求🤑 一個雪莉桶可以係波本桶十倍價錢！ 有酒廠為左確保有足夠桶供應比自己 甚至會包起一間西班牙雪莉酒酒廠💰 目的唔係啲雪莉酒，係雪莉桶.... 所以真係早買早享受，遲買貴幾舊...🤪

「威士忌殺菌」？ 呢排啲菌禁勁，個個都戴曬口罩😷 傳聞中威士忌可以殺菌？☢ 究竟又可唔可行⁉ 結論係.......🧐 殺菌理論上係可以既！🤕 但並唔係代表飲落肚就能醫百病！ 試諗下你會唔會將枝消毒藥水飲落肚 當年威士忌的確係列為「藥品」💊 仲要講緊係戰爭年代...💣 而且飲用酒精亦會帶走你身體既水份 你病果時係需要飲大量水架大佬 唔係食幾隻蝙蝠🦇就以為好補！ 所以病就真係唔好周圍走喇🏥 睇完醫生，留在府上休息睇下酒鬼知識 無睇酒鬼知識就快啲爬下文學多啲野！ 記住喇！「酒」- 係用黎享受！🤫 間唔中飲下的確可以醫治你心靈上既傷

「威士忌殺菌」·續 將100°C既滾水💦 倒入去裝左威士忌同蜂蜜既杯 攪拌數十秒，完成一杯熱飲威士忌🥃 既不能殺菌，亦不能消毒... 但飲多兩杯可解燃眉之急💫 一醉之後暫時不理世間一切白痴的事... 配方如下： 將四碗凍水煲為一碗熱水💧 威士忌同熱水比例為1:4 或 1:5 蜂蜜隨個人喜好🍯 攪勻即可飲用 威士忌選用Blended 即可..

「乜野叫做Dry? 」 呢排街都無得出... 不如安在家中鑽研下酒鬼知識.. 葡萄酒甜度(Sweetiness)簡單分左4種 1. 干/乾(Dry) 含糖量少於4g/L 2. 半干(Medium Dry/Off-Dry) 含糖量 4-12g/L 3. 微甜/半甜(Medium) 含糖量 12-45g/L 4. 甜(Sweet) 含糖量唔少於 45g 第時買酒一睇個含糖量就大概分得出屬於咩類 不過大部份紅酒都屬於干類 白葡萄酒就會4類都經常見到 （干白/甜白酒...）

「有E定無E 」❓ 「 Whisky定Whiskey」❓ 其實無岩與錯 只係文化問題 最簡單分辨方法就係跟國家及地區分類🏴󠁧󠁢󠁳󠁣󠁴󠁿🇯🇵🇹🇼 蘇格蘭 日本 台灣 etc 大部份都係選用《Whisky》🇺🇸🇮🇪 只有美國同愛爾蘭 係會選用《Whiskey》 點解要咁樣分呢? 愛爾蘭 & 蘇格蘭各自既歷史都係話自己係威士忌元祖... 而愛爾蘭覺得自己係高質啲 , 所以加個 E 字等大眾容易分辨... 而美國威士忌都深受愛爾蘭影響, 所以來自美國好出名既Jack Daniel’s 都有個 E 字... 大家不妨經過超市,便利店可以留意下。